Меңгерушіге сұрақ қою
Әбдірахманова Айгүл Каметқызы — Алматы қаласы ШЖҚ «Изатима Жекенова атындағы қалалық клиникалық жұқпалы аурулар ауруханасы» КМК директоры.
Жалпы еңбек өтілі: 25 жыл
Денсаулық сақтау саласында мол тәжірибесі бар басшы, мекеменің стратегиялық дамуын қамтамасыз етіп, медициналық қызметтердің сапасына, процестердің тиімділігіне және командалық жұмысқа аса назар аударады.
Әбдірахманова Айгүл Каметқызы 1997 жылы Қазақ мемлекеттік медицина университетін «Емдеу ісі» мамандығы бойынша тәмамдап, «Дәрігер» біліктілігін алды.
1999 — 2002 жылдары Гигиена және эпидемиология ғылыми орталығында «Ішкі аурулар» мамандығы бойынша аспирантурадан өтті.
2005 жылы профессор Б.В. Каральник жетекшілігімен «Аллергология және иммунология» мамандығы бойынша кандидаттық диссертациясын қорғады.
2006 жылы медицина ғылымдарының кандидаты ғылыми дәрежесі берілді.
2024 жылы әл-Фараби атындағы Қазақ ұлттық университетін «Денсаулық сақтаудағы іскерлік әкімшілендіру» мамандығы бойынша аяқтап, іскерлік әкімшілендіру (EMBA) магистрі дәрежесін алды.
Еңбек жолы:
- 1997 ж. еңбек жолын Кербұлақ аудандық ауруханасында учаскелік терапевт болып бастады.
- 1998 — 2000 жж. Алматы қаласындағы №8 қалалық емханада учаскелік терапевт.
- 2004 ж. «Ұлы Отан соғысы мүгедектеріне арналған республикалық клиникалық госпиталь» ММ терапия бөлімінің дәрігері.
- 2007 ж. сол мекемеде емдеу ісі жөніндегі басшының орынбасары болып тағайындалды.
- 2011 — 2012 жж. С.Д. Асфендияров атындағы ҚазҰМУ ішкі аурулар кафедрасында ассистент.
- 2012 — 2015 жж. ШЖҚ «№7 қалалық клиникалық аурухана» МКК емдеу ісі жөніндегі бас дәрігердің орынбасары.
- 2015 жылдан бастап бүгінгі күнге дейін Алматы қаласы ШЖҚ «Изатима Жекенова атындағы қалалық клиникалық жұқпалы аурулар ауруханасы» КМК директоры.
Марапаттары мен жетістіктері:
- «Денсаулық сақтау ісінің үздігі» төсбелгісі — 2010 ж.
- «Алтын дәрігер» төсбелгісі — 2011 ж.
- «Барыс» ордені — 2020 ж.
- «Халық алғысы» медалі — 2020 ж.
- «Үздік денсаулық сақтау менеджер — ұйымдастырушы» номинациясы бойынша қалалық байқаудың жеңімпазы — 2017 ж., Алматы қаласы.